Fahrplan is nöie Jahr


Es guets Nöis, viel Glück, gueti Gsundheit u viel Zfriedeheit
das wünsche mir Öich aune zäme vo Härze zersch afe mau!

Mit viu Sunne si mir is nöie Jahr gschtartet u fröie üs uf folgendi planeti Aktivitäte bi üs im Löie:

Im Jänner 26 bringe mir mit üsem Thai-Donnschtigaabe

( feini Curries wie Massaman oder grüenem) e chli Wärmi uf e Täller u wei der Chelti trotze.

Und ab em 2. bis 24. Februar heisst's bi üs: ab i d'Ferie. 
Ab em 25. Februar si mir alli wieder am schaffe u fröie üs, Öich vo üsne Ferie vorzschwärme.

U we alls so. chunnt wie mir's plane, geit der Markus de sicher scho de erschte Früehligschrütli wie Kresse, Münze u Bärlouch noche, damit Dihr de Früehlig uf em Täuer chöit schmöcke

Im März isch de Double-Donnschtigaabe agseit
Do serviere mir Öich jede Donnschtigaabe es feins Entrecôte double (natürlich vo Marti's, Buchsi) vo üsne Lüt am Tisch tranchiert,
mit "üsere" Sauce béarnaise, früschem Gmües u säuber gmachte Krokettli u de eigete Nüdeli.

Mir fröie üs aui zäme, Öich bi üs z'Gascht z'ha und wünsche

E Guete mitenang! 


Jasmin, Peter, Roli, Markus u s'ganze Löie-Team