„Sit Dihr scho?....oder ?!“
 
Ferie, Sunne, Meer, Zit ha, bim Apéro, mir si zfriede. Näbedra Ängländer bim „Tschierrs“ mache
u so chöme mir is Smool Took Plöiderle.
„Switzerländ?... Öuuh? Näiss!
Holideis? Ööuuh? Weri näiss!
Hotel? Ööuuh? Supörb!“

U de passierts! DIE FRAG, wo üs us de Socke hout, üs ine Schocksekunde loht lo gheie, wo mir schprachlos si!
 
„Sit Dihr scho pangsioniert oder schaffit Dihr no?“
Tätsch Bumm Bäng. Do hesch der Gong. Däm seit me „Paff“!

Mir luege enang verdutzt a u säge nach dere Sekunde wie us der Pischtole:„Nei sicher nid!!!“
Als Anwort überchöme mir Ungertassli-grossi Ouge, es offnigs Muu u s Glas,wo ufem Wäg
a d‘Lippe ir Luft bliibt hange u derzue es sehr läng zognigs, mit ere mitleidig truurige Grimasse gschnittnigs:
„ÖÖÖUUUHH! Not sööu näiss!?“
Mir kontere ganz schpontan:
ÖÖUUHH MMÖÖUU!!,
proschte zäme u fröie üs uf die nöchschte föif Jahr Löie! Jo, villech wärdes o no eis, zwöi meh!
Fröie üs uf e Früehlig mit all sine kulinarische Fröide,
fröie üs uf Öich, uf Öiche Bsuech und ufene Smool Took uf bärndüütsch!
 
Heit e Guete mitenang
 
Roli u Markus