Üse kulinarisch Fahrplan i Herbscht!
 
„Ischtiige bitte! Ischtiige!!“
 
Uf üsere Fahrt düre Herbscht mache mir folgendi Halt:
 
Vom 11. Bis am 22. Septämber serviere mir Öich
Ferie-Souvenirs us Villany in Ungarn
 
Näbe Liptauer,Gulaschsuppe, Szegedinergulasch, Chrutwickle, Nocke u viel angerem schänke mir Öich wunderbari Rotwy vo Heumann, Bock u Gere i d’Gläser u hei no viu angers parat. Mir hei wunderschöni Erinnerige mitgno vo dert.
 
Vom 23.-29. Septämber e churze Boxestopp
 
(Verschnuufpouse Ferie) inegschobe, nä mir chräftig Aalouf für üsi
 
Wildsaison vom 2. Oktober bis 10. Novämber.
 
Da erwarte Öich natürlich Spätzli, Rotchrut, Marroni, Öpfu u Preisubeeri und ou s’Beschte vom Reh, Wildsau und zur Kröönig es feins Brand-Vermicelles.
 
Mir hei wieder Fahrt ufgno u luege voller Fröid uf die Zit, wo uf üs zuechunnt.
 
Schtiiget Dir ou bi üs für nes Fährtli uf? Üs würds richtig fröie!
 
I däm Sinn
Alli Billett bitte... oder ou  ….E Guete mitenang
 
Roland, Markus u s’ganze Löieteam
 
PS: Platzreservation ab jetz im Löie z’Berke ??