Mir dörfe juble!

Mir entlöh 2 nöi Top-Fachlüt is Bruefsläbe, u de wie! Die zwöi junge Froue hei fantastischi Notene erzielt, nämlich

5.3 d Lea Zaugg als Restaurantfachfrou u
5.4 d Michelle Oppliger als Chöchin.
  
I dene nid ganz eifache Zite und unger schwierige Bedingige hei üser beide Lernende e beidruckende Wille u Fliiss zeigt
und viu Geduld bruucht, um das QV chönne z'schtemme.

Umso meh fröie mir üs jetz mit ihne u si sehr stolz uf ihri Leischtig.
Mir aui vom Löie hei riesig Fröid u danke Öich Beidne für die 3 schöne Johr, wo Dir mit üs zäme verbracht heit.

Änds Monet löh mir Öich de lo zieh u wünsche Öich alles alles Gueti für Öichi Zuekunft.
Aber zersch fiire mir no chli, zwar das Johr ohni Notespieli mit de Chefe, aber derfür zäme bimene guete Ässe.

Mit liebe Grüess u de beschte Wünsch für d'Zuekunft

Roli u Markus samt Team