Meier's Löwen Berken
CH-3376 Berken
Tel. 062 963 17 44
Fax 062 963 02 84
Mo und Di geschlossen
info@loewenberken.ch





Die Gastgeber

Die Räumlichkeiten

Die Küche

Der Keller

Die Umgebung














Home
Aktuell
Öffnungszeiten
Anfahrtsweg
Stellen & Lernende
Medien
Impressionen
Kontakt





Betriebsferie
vom 29.1. bis 20.02.18 !
>> Mehr Infos

Freii Lehrschtell 2018
im Service !
>> Mehr Infos

Uf em Perron  
Hallo! Guguuus?!
>> Mehr Infos







 Üser Betriebsferie
    
Es isch scho bau sowit! Mir dörfe wieder e chli sünnele, bädele, i Tag ine läbe u chli läse!
U natürlich ässe u trinke nid vergässe. Das isch de o sehr wichtig ;-)

Wiu mir hei Betriebsferie vom

29. Jänner bis zum 20. Februar 2018

 
U ab em 21. Februar si mir de wieder früsch gschterkt u topfidel für Öich da!

Mit feriehungrige Grüess

 
Roland Steiner, Markus Meier
u Mitarbeiter 



1 Freii Lehrschtell chöi mir fürs 2018 abiete


als Reschtorationsfachfrou oder Reschtorationsfachma.

Suechsch Du:

- e guete Usbildigsplatz mit erfahrene Usbildner
- u guete Usbildigsmöglichkeite,
- en ufgschtellti, familiäri Athmosphäre und
- e pulsierende, lebändige Arbeitsplatz,
- es cools, jungs Team mit chli crazy Scheffe?

U bringsch mit:

- viu Fröid am Umgang mit Lüt 
- viu Gluscht uf Nöis u chli Verfrässeheit
- Luscht, öppis z'lehre u Nöis z'gseh?

De bisch bi üs richtig. Mir fröie üs uf Dini Bewärbig! 

Roland Steiner, Markus Meier
u Mitarbeiter 



 Uf em Perron
 
" Halloooo! Hoi! He, Du? Fäbu!? Guguus?". So het's chürzlich näbe mir am Morge früeh uf em Bahnschteig tönt.

Mir, no immer am Verwache, i eim vo dene sältene Fäll, wo'n'ig mit em Zug ungerwägs bi, fahrt das Gschrei fei schreg i und ig wott grad e Sauve vou losloh, do seit mis unbekannte Näbedra: "Dä ghört nüt, het d'Schtöpsle i de Ohre!", luegt uf en anger Bahnschteig übere, wo'när eine kennt, nimmt sis Handy füre, töggelet druf ume u kener 10 Sekunde schpäter zuckt dä Ohreschtöpseltyp uf em anger Perron zäme, nimmt ebefaus sis Handy i d'Hang, töggelet ou druuf los u wo bi mim Näbedra s'Handy suuret, luegt är uf u winkt mim Näberda erfröit zue.

Aber NEI! Är antwortet nid! ----- Chunnt ou nid uf ne zue!-----

Är nimmt wieder sis Handy u töggelet ir Ping-Pong-Manier mit Grinse u Schmunzle, mit Ougebrauezieh u Handmimik, der Blick geng uf's Handy grichtet mit mim Näbedra, bis der Zug chunnt. Bim Ischtiige seit mis Näbedra erfröit zu mir: "Das het mi jetz gfröit, ihn wieder einisch z'gseh!" u verwungeret sich e chli über mis verdutzte Gsicht, wo'n'ig, wom Momänt überrumplet, ha gmacht.
Während der Fahrt han ig de en Idee gha, wo mi het lo schmunzle. We Dihr ab jetz zu üs chömit, wei mir de ou Öichi Handynummere. De chönnt ig de nämlich am Schluss vom Aabe diräkt us der Chuchi e Gruppechat starte zum Nochefroge, ob Dihr zfriede sit. Gsuch sicher no guet us, wenn aui Handy im Restaurant mitenang würde lüte u es kollektivs Töggele dür's Huus gieng, oder?

Aber zersch mau e Guete mitenang u heit e schöni Vorwiehnachtszit

Markus Meier