Meier's Löwen Berken
CH-3376 Berken
Tel. 062 963 17 44
Fax 062 963 02 84
Mo und Di geschlossen
info@loewenberken.ch





Die Gastgeber

Die Räumlichkeiten

Die Küche

Der Keller

Die Umgebung














Home
Aktuell
Öffnungszeiten
Anfahrtsweg
Stellen & Lernende
Medien
Impressionen
Kontakt





20 Jahr
Jasmin Lang

>> Mehr Infos

DAS si no richtigi
Oberaargouer

>> Mehr Infos

Restaurantfachfrou/Mann
Sous-chef gsuecht

>> Mehr Infos







Täuer umdräie!
 
 
Früecher het me gseit, en Oberaargouer erchennsch ir Beiz sofort,
nämlich wenn er d’Täuer umdräit u luegt, ob’s Langenthaler Porzellan sigi.

Ja, das isch mir chürzlich i Sinn cho, und ig dräie üsi Löietäuer, die aute mit em Peugeot-Löi,
ou mau um u stuune nid schlächt: Jahreszahl 1960.

I däm Jahr 1960 hei miner Eltere der Löie übernoh und das Gschirr kouft.
Dä Täuer chönnt sicher Gschichtli verzeue,
het nach über 60 Jahr kes Näggi  u ke Lack ab.
 
Dür wie mängi Hang isch dä scho gange?
Wie mänge Löffu het äch dert drin gschtocheret?
Wie mängisch isch er scho gfingerlet worde?
Oder mit em Finger usputzt?
Wie mängi Zunge het drin desume gschläcket, obwou me nid sött?
Wie mängisch isch är äch abgwäsche worde? Desume gfloge u fasch a Bode gheit?
Umdräit u derbi der Räscht usgschüttet worde?
Was het dä aus am Tisch mit übercho?
Drame, Strit, Liebesgesöisel, Ching wo d’Suppe nid wei ässe, etcetera!
 
Aber eis isch sicher! Dä Täuer us em 60gi isch no nid i d’Brüch gange ,
isch ganz bliibe u fröit sich umso meh, Öich mit feine Gricht der Hunger z’schtille.
 
E Guete (und ersch Täuer dräie, we Dir fertig sit, bitte ??)
  
Markus Meier, Roland Steiner
u Mitarbeiter