Meier's Löwen Berken
CH-3376 Berken
Tel. 062 963 17 44
Fax 062 963 02 84
Mo und Di geschlossen
info@loewenberken.ch





Die Gastgeber

Die Räumlichkeiten

Die Küche

Der Keller

Die Umgebung














Home
Aktuell
Öffnungszeiten
Anfahrtsweg
Stellen & Lernende
Medien
Impressionen
Kontakt





Wiehnachte u
Silvester 2021

>> Mehr Infos

I der Fitnessfalle
(i wott doch numme chli Rueh)

>> Mehr Infos

Freie Lehrstellen
Koch u Restaurantfachfrau/Mann

>> Mehr Infos







I der Fitnessfalle!
 
 
Schtrample, vergässe, ändlich! Eifach numme abschalte!
Nach eme schtarche Mittagsservice fröie i mi, uf em Velo im Fitnesscenter e chli d’Sou use z’lah u chönne abe z’fahre. 
„Ciao a tutti“ tönt‘s vor Igangstür här und i dänke numme: Sch…..Ou nei! I hocke fescht im Velo u cha nid fliehe.
Olivenoel-Giorgi chunnt!Die Närvesagi! U gseht mi!
Chunnt diräkt uf mi zue u seit:
 
Ehhh, Ciao Amico mio!   ----------------------------- i dänke: O loh mi doch lo si lo!
Was magge Du für Kopfeli mit Gwitter?---------  Hoffentli geit dä schnäu mau witer!
Mussete Tu in Kuchi zweni schwitze? ------------Es längt de aber grad jetze!  
Oggi, han i öppis buonissimo gässe! -------------I wott doch eifach numme vergässe!
Una Peperonata meravigliosa. --------------------Gang doch eifach a tua casa!
Gmacht vo mia bella cara!---------------------------I wott doch eifach numme Velo fahra
Weischte Tu wie si das macha? -------------------Herrgott, cha dä nid öppe witer gah?
Mite de viel, viel Knoblauch! ----------------------  Würkt dä nid öppe i sinem Bauch?
Und ere ganze feini Soss! -------------------------- Wie wird ig dä numme wieder los?
Warum Du sage so nüt? ---------------------------- I wott doch numme trainiere hüt!
Heschte du so schlächti Luune?------------------- Er het’s cheggt, i stuune!
Muesch de ebbe meh Peperonata ässe! --------Ha jetz grad ganz angeri Interässe!
U morn mia cara macht Bistecca! -----------------Er chönnt mi  jetz doch i Rueh lah!
Mit mini Olio di Oliva! Wottsche Tu nid kaufe?-Jetz muess ihm de dervo laufe.
Ehh, i gseh ancora un amico! ----------------------Der Herrgott het mi Wunsch  agno
Neggschti mol ,i sage Lasagne come faggio.--Ja ja, chaisch dir ruehig Zit loh
Ciao bello! ----------------------------------------------Ändlich! Mi Rueh isch zrugg cho!
 
Wie die Zit vergange isch! Ha gar nid gmerkt, dass i so usser Atem cho bi.
U d’Azeig uf em Velo zeigt es paar Kilometer meh als normal.
D’Tür geit wieder uf und…… Nenei! Nüt isch! Jetz schtiig i zersch mau ab em Velo.
 
Buoan appetito e Ciao a tutti
  
Markus Meier mit Roland Steiner u Mitarbeiter
 
PS: Sorry, mis liebe u sehr gschätzte Fitnesscenter. S’isch alles frei erfunde! ;-)
Oder äch doch nid ganz?