Feriesouvenirs vo üsere Reis nach Ungarn!
 
Währschaft, härzhaft u härzlich!
So cha me i eifache Wort beschriibe, wie mir Villany u Budapest hei dörfe kulinarisch erläbe.
Viu Paprika, Tomate, Zander, Gulasch u Chabis u wunderbari Begägnige mit de Winzer
Hartl Heumann, Andrea Gere, Josef Bock und ihrne Wy.
All das möchte mir Öich inere e chli entschlacktere ;-) Version bi üs vom

Mittwuch 11. bis Sunntig, 22igschte Septämber 2024

uf e Täller und is Glas bringe. Liptauer, Szekelygulasch, Paprikahuhn, Letscho u Palatschinken si numme es paar vo dene Läckerbisse u derzue es Glas feine Cabernet franc us Villany. Härz, was wottsch meh?

Mir fröie üs, Öich die einersits bekannte und trotzdäm unbekannte u verkannte Schpiise i üsere Version z'zeige u wünsche 

E Guete mitenang

Roland, Markus u Mitarbeiter