So, jetz isches auso sowiit.
Mir hei n'üs is 2025gi vorgwagt. Mir aui hoffe, dass Dihr ebeso fiin glandet und acho sit wie mir.
Uf das abgrochne Jahr fröie mir üs, wiu afangs Horner, genauer gseit vom

3. bis zum 23. Horner (oder ebe ou Februar) hei mir Ferie.

Sunnebrille usgrabe, Schi oder ou Badhose füre näh u einisch mau e chli für sich säuber luege.
Und eifach mau usschlafe, i Tag ineläbe u s"Dolce far niente"  probiere zur Perfektion z'bringe......

.....und ou um z'überlege, was mir Öich Ändi Februar mit em nachende Früehlig wei uf e Täller zoubere.
Sicher wärde der Bärlouch u die verschiedene wiude Früehligschrütli derbi si u no viu meh. 

2025 isch insofärn es bsungers Jahr, wiu am 1.Septämber mir e grosse Schritt gwagt hei: z'wirte!
Es Jahr dürehalte isch denn üses grosse Ziel gsi ;-)
Dass es ungerdessi 30 mau so lang worde isch, verwungeret üs säuber immer no.

Wiu miner Eltere hei 35 Jahr lang g'wirtet und ig mir gschwore ha, dass ig das NIEMALS!! so lang würdi mache
(i bi doch nid verruckt! Oder öppe de doch no? Aber wenn schon, numme e chli! Ja guet: de haut chli meh!) 

He nu so de! Sig's haut eso. Mir näh das 25gi in Agriff u fröie üs uf die nöchschte 5 Jahr Löie!
 

Heit e Guete mitenang!

Roland, Markus u s'ganze Löie-Team