Meier's Löwen Berken
CH-3376 Berken
Tel. 062 963 17 44
Fax 062 963 02 84
Mo und Di geschlossen
info@loewenberken.ch





Die Gastgeber

Die Räumlichkeiten

Die Küche

Der Keller

Die Umgebung














Home
Aktuell
Öffnungszeiten
Anfahrtsweg
Stellen & Lernende
Medien
Impressionen
Kontakt





20 Jahr im Löie!!!
Üse Peter Hoppe

>> Mehr Infos

WINE and DINE!
Bock und Gere us Ungarn am 27.10.22

>> Mehr Infos

TATAR-Donnschtig!
Ab Juni bis Septämber!

>> Mehr Infos







20 Jahr im Löie!!
 
Am 2. Septämber 2002 het der Peter Hoppe bi üs ir Chuchi aagfange, um Markus chli z'ungerstütze. Das si ganzi 20 Jahr här!!!

20 Jahr im Löie!!! E längi Zit!!!

Das bedütet sit 20 Jahr immer e chli (mängisch ou e chli meh)

- choche, schwitze, brutzle, schniide, putze
- nöii Sache usprobiere (Motto "hätte mir's nid probiert, wüsste mir's nid")
- e Top-Qualitätsgarant uf em Saucier si (Spezialgebiet Fleisch u Saucene!)
- Närve bhalte im Service, höchschti Konzentration (O Tannenbaum singend: "es isch e Kataschtrophe wie die hüt essed")
- Team füehre, Chuchi suuber halte ("So! chömit Lütlis. Ufruume u Zimmerstund mache")
- Lehrlinge usbilde (de "Papi", wien er vo ne gnennt wird, isch immer für se do)
- e chli Seelsorger u Motivator für Lehrling u s ganze Team si ("jetz luege mir emol! es chunnt scho guet")
- Berater u wärtvolle Ungerstützer si im Huus (er seit viu: "Jäää, i weiss de nid?!")
- Monteur u Kontrolleur si wider Wille ( "es muess eifach doch go!? *ZENSUR*")
- scharfe Kritiker vo nöie Chochideene (het nid gärn Nüss u Lavändel, liebt Zimmet. "kann mann essen, muss man nicht!")
- u nid zletscht: der Chef ushalte mit au sine Fürz u Luunene (dasch äuä s'Schwierigschte am Ganze)

Liebe Peter

Mir aui danke Dir vo Härze für die tolli Zit, wo mir mit Dir bis jetz hei dörfe verbringe, gratuliere Dir zu dere bsundere Leischtig, däm Durchhaltevermöge u fröie üs uf die kommende Zite mit Dir. Mir si sehr dankbar!

Der Löie ohni Di (u Jasmin und aui angere) wär nid, was er hüt isch. Du bisch eine vo de Eckpfiiler im Löie

Merci viu, viu mau!!!

Und wenn DIr als Gascht zu üs chömit, cha das ganz guet si, dass der Peter u der Markus am Tisch verbi chöme.
Wiu mir wei Peter nümme ir Chuchi verschtecke ;-)

Heit e Guete
  
Markus Meier, Roland Steiner
u Mitarbeiter